Հինգշաբթի գիշեր Պակիստանը չսադրված կրակ է բացել Ջամու եւ Քաշմիրի հնդկական միության տարածքի հսկողության գծի երկայնքով: Այս մասին նշվել է Հնդկաստանի ցամաքային զորքերի հայտարարությունում։
«Մայիսի 7-ի լույս 8-ի գիշերը Պակիստանի բանակի դիրքերը չսադրված հրետակոծության են ենթարկել վերահսկողության գիծը Ջամուեւ Քաշմիրի Կուպվարայի, Բարամուլայի, Ուրիի եւ Ահնոուայի դիմաց գտնվող տարածքներում»,- նշել են հնդիկ զինվորական պաշտոնյաները, մեջբերել է ANI գործակալությունը: «Հնդկական ցամաքային ուժերը համամասնական պատասխան են տվել»,- նշվել է հաղորդագրությունում։
Հնդկա-պակիստանյան հարաբերությունները վատթարացել են Ջամու եւ Քաշմիրի Պահալգամ քաղաքում ապրիլի 22-ին տեղի ունեցած ահաբեկչությունից հետո, որի հետեւանքով զոհվել են Հնդկաստանի 25 քաղաքացի եւ մեկ նեպալցի: Հնդկաստանը հայտնել է, որ ապացույցներ ունի, որ Պակիստանի միջգերատեսչական հետախուզությունը ներգրավված է հարձակմանը: Նյու Դելին եւ Իսլամաբադը փոխադարձ սահմանափակումներ են մտցրել, դադարեցրել են երկկողմ համաձայնագրերի գործողությունը եւ փակել օդային տարածքը միմյանց ինքնաթիռների համար։
