Իլոն Մասկի Կառավարության արդյունավետության վարչությունը (DOGE) «ինչ-որ պահի» կդադարի գոյություն ունենալ։ Այս մասին հայտարարել է ԱՄՆ նախագահ Դոնալդ Թրամփը։
Սպիտակ տան ղեկավարը բացատրել է, որ միլիարդատերն իրեն հասանելի կլինի որպես կառավարության հատուկ աշխատակից ընդամենը 130 օր։ Նա նաև հավելել է, որ Մասկը կցանկանար ինչ-որ պահի վերադառնալ իր ընկերություն։
«Նա մեծ ընկերություն ունի ղեկավարելու, և ինչ-որ պահի նա կվերադառնա: Ես կթողնեի նրան այնքան, որքան կարող եմ: Նա շատ տաղանդավոր տղա է, գիտեք, ես սիրում եմ շատ խելացի մարդկանց, և նա շատ խելացի է: Նա լավ աշխատանք է կատարել: Ինչ-որ պահի Իլոնը կցանկանա վերադառնալ իր ընկերություն», — ասել է Թրամփը Tesla և SpaceX ընկերությունների գլխավոր տնօրենի մասին:
Հարցին, թե արդյոք DOGE-ն կշարունակի գործել Մասկի բացակայության դեպքում, Թրամփը պատասխանել է, որ կարծում է, որ դաշնային գործակալությունների ղեկավարները «շատ բան են սովորել» այն մասին, թե ինչպես պետք է ինքնուրույն կատարել իրենց աշխատանքը, և ոմանք կցանկանան պահել DOGE-ի աշխատակիցներին:
«Գիտեք, ինչ-որ պահի, ես կարծում եմ, որ սա կավարտվի, կգա մի պահ, երբ քարտուղարները կարող են անել այս աշխատանքը և անել դա, ինչպես ասում են, նշտարով: Դա այն է, ինչ մենք ուզում ենք», — ավելացրել է նա:
