ՀՀ վարչապետ Նիկոլ Փաշինյանը շնորհավորել է Գյումրիի և Փարաքարի ընտրություններում առավելագույն ձայներ ստացած թեկնածուներին և ուժերին:
«Հայաստանի Հանրապետության Քաղաքացին ազատորեն ընտրություն կատարելու հնարավորություն ունի։ Քաղաքացու ընտրությունը մեզ համար օրենք է։
Շնորհավորում եմ Քաղաքացու վստահությանը արժանացած, ընտրություններում հաղթած բոլոր քաղաքական ուժերին եւ թեկնածուներին։
Հ․Գ․ Ընտրողների կամքի վրա ապօրինի ազդեցության մասին բոլոր ահազանգերը պետք է մանրամասն քննվեն, դրանց հետագա կրկնությունը բացառելու առաջնահերթ նպատակադրմամբ»,- գրել է վարչապետը:
Հիշեցնենք՝ Գյումրու ՏԻՄ ընտրությունների արդյունքների ամփոփմամբ պարզ է դարձել, որ որևէ քաղաքական ուժի չի հաջողվել հավաքել 50+1 տոկոս անհրաժեշտ քվեները և նախնական վարկածով՝ առանց դաշինքներ ու կոալիցիաներ կազմելու հնարավոր չի լինելու ստանձնել քաղաքի կառավարումը:
Փարաքարում պատկերը հստակ է, այնտեղ առավելագույն թվով ձայներ է հավաքել Վոլոդիա Գրիգորյանի գլխավորած «Միասնություն» կուսակցությունների դաշինքը՝ ստանալով 50+ տոկոս ձայն:
