Եկել եմ Երևանի ավագանու նիստին՝ Տիգրան Ավինյանին մեղադրանք ներկայացնելու։ Ես եկել եմ մեղադրելու Ավինյանին ցեղասպանության, տնասպանության, բնության սպանության, երեխաների ապրելու իրավունքը խախտելու մեջ։ Այս մասին լրագրողների հետ զրույցում ասաց Երևանի ավագանու «Մայր Հայաստան» խմբակցության անդամ Զարուհի Փոստանջյանն, ով տևական ժամանակ է ավագանու նիստերին չէր մասնակցում։
«Մեղադրանքները վերաբերում են կոռուպցիայի մեջ մասնակցություն ունենալուն։ Հիմա ես ունեմ փաստական տվյալներ, որոնք ներկայացնելու եմ»,-ասաց Փոստանջյանը։
Դիտարկմանը, թե մոտավորապես հավասարեցրիք նրան Թալիաթին ու Էնվերին ու ստացվում է, որ նա Նիկոլից էլ վատն է, Փոստանջյանն արձագանքեց. «Մոտավորապես չէ: Ինչ մնում է Նիկոլին՝ նրանք նույն խմբի անդամներ են։ Դուք 3 անուն տվեցիք, բոլորը հավասար են»,-ասաց նա՝ ընդգծելով, որ բոլոր նրանք, ովքեր մեր ազգին ցեղասպանել են՝ պատասխան պետք է տան։
