Գուանդուն նահանգի հարավային Լուֆեն քաղաքում սկսվել է եւս մեկ CAP1000 ռեակտորի շինարարությունը նոր էներգետիկ նախագծի շրջանակում: Այս մասին գրել է China Daily թերթը։
Նախագիծը, որը ենթադրում է վեց ռեակտորների ստեղծում, իրականացվում է Չինաստանի գլխավոր միջուկային էներգիայի կորպորացիայի (CGN) կողմից։ CAP1000-ը Westinghouse նախագծի AP1000-ի չինական տարբերակն է: Դրա առանձնահատկությունն այն է, որ բոլոր խոշոր մոդուլներն արտադրվում են գործարաններում, ապա տեղադրվում տեղում՝ պատրաստի տեսքով։ Հինգերորդ ռեակտորը սկսել է հավաքվել դեռ 2022թ., վեցերորդը՝ 2023թ.։
Գործարկվելուց հետո ծրագրի բոլոր վեց ռեակտորները տարեկան կարտադրեն ընդհանուր առմամբ մոտ 52 մլրդ կՎտ/ժ էլեկտրաէներգիա՝ նվազեցնելով ածխաթթու գազի արտանետումները, որոնք համարժեք են 15,77 մլն տոննա ածուխ այրելու արդյունքում ստացված արտանետմանը: Առաջին ռեակտորի շինարարությունը սկսվել է փետրվարի 24-ին։
