Ուկրաինայի նախագահ Վոլոդիմիր Զելենսկին հայտարարել է, որ պատրաստ է հրաժարական տալ, եթե դա կնշանակի խաղաղություն Ուկրաինայում կամ ՆԱՏՕ-ին երկրի անդամակցություն։
Այդ մասին, «Ուկրաինսկայա պրավդա» պարբերականի փոխանցմամբ, նախագահը հայտարարել է փետրվարի 23-ի ասուլիսի ժամանակ։
«Եթե խաղաղությունն Ուկրաինայի համար է, եթե իսկապես պետք է, որ ես թողնեմ իմ պաշտոնը, ապա ես պատրաստ եմ։ Երկրորդ տարբերակն այն է, որ ես կարող եմ դա փոխանակել ՆԱՏՕ-ին անդամակցության հետ, եթե այդպիսի պայմաններ լինեն»:
Զելենսկին ընդգծել է, որ կենտրոնացած է Ուկրաինայի անվտանգության վրա «այսօր, ոչ թե 20 տարի անց» և մտադիր չէ տասնամյակներ շարունակ լինել իշխանության ղեկին։
Խոսելով ՆԱՏՕ-ի մասին՝ նա կրկնել է, որ դաշինքին անդամակցելը ամենաէժան տարբերակը կլինի Ուկրաինայի անվտանգությունը երաշխավորելու համար։
