Եվրասիական միջկառավարական խորհրդի նիստին մասնակցել են Հայաստանի և Ադրբեջանի ներկայացուցիչները

Ալմաթիում տեղի է ունեցել Եվրասիական միջկառավարական խորհրդի նիստ՝ ԵԱՏՄ անդամ հինգ երկրների ներկայացուցիչների, այդ թվում՝ Հայաստանի փոխվարչապետ Մհեր Գրիգորյանի մասնակցությամբ։

Նիստին մասնակցել է նաև Ադրբեջանի վարչապետ Ալի Ասադովը։ Ադրբեջանի կառավարության ղեկավարը, նիստին ելույթ ունենալով, հայտարարել է, որ Ադրբեջանով անցնող բեռնափոխադրումների ծավալներն աճում են կայուն տեմպերով, և Բաքուն այդ հնարավորությունները «հաճույքով առաջարկում է Եվրասիական տնտեսական միության իր գործընկերներին»: