Հայ գործարար և բարերար, Flagship Pioneering-ի հիմնադիր և գործադիր տնօրեն Նուբար Աֆեյանը մեկնաբանել է Լեռնային Ղարաբաղի նախկին պետնախարար Ռուբեն Վարդանյանի դեմ Բաքվում կազմակերպված ապօրինի և շինծու դատավարությունը՝ կոչ անելով զգոնություն ցուցաբերել՝ Վարդանյանի նկատմամբ սարսափելի անարդարությունից խուսափելու համար։ Այս մասին Նուբար Աֆեյանը նշել է իր X միկրոբլոգում՝ տեղադրելով նաև ԼՂ նախկին պետնախարար Ռուբեն Վարդանյանի հայտարարությունը։
«Խնդրում եմ կարդալ այս համոզիչ փաստերը։ Մենք բոլորս պետք է զգոն լինենք և անենք ամեն ինչ՝ խթանելու արդար դատավարության հեռանկարը և խուսափելու գրոտեսկային անարդարությունից»,- գրել է Աֆեյանը։
