Ամերիկահայ հեռուստաաստղ Քիմ Քարդաշյանն ու նրա ընտանիքը Լոս Անջելեսում բռնկված հրդեհների պատճառով տարհանվել են իրենց առանձնատներից: Այս մասին հայտնում են ամերիկյան լրատվամիջոցները։
Ըստ ամերիկյան ԶԼՄ-ների՝ Քիմ, Քլոե և Քորթնի Քարդաշյանները, Քրիս, Քայլի և Քենդալ Ջեններներն իրենց սիրելիների հետ միասին հաջողությամբ լքել են տարածքը։
Կրակը ցանկացած պահի կարող է հասնել այն թաղամաս, որտեղ ապրում է Քարդաշյանների ընտանիքը, նշում են լրատվամիջոները։
Հիշեցնենք` Կալիֆորնիայում անտառային հրդեհներ են մոլեգնում հունվարի 7-ից։ Այն համարվում է նահանգի պատմության մեջ ամենաավերիչներից մեկը։ Զոհերի թիվը հասել է 11-ի:
