Մադրիդի «Ռեալի» հարձակվող Կիլիան Մբապեն մեկնաբանել է մադրիդյան ակումբի՝ դեկտեմբերի լավագույն խաղացողի մրցանակը ստանալը:
«Ցանկանում եմ շնորհակալություն հայտնել երկրպագուներին իմ օգտին քվեարկելու համար, դա կարևոր է։ Դեկտեմբերը հիանալի ամիս էր ինձ և թիմի համար, քանի որ մենք նվաճեցինք տիտղոս, լիգայում շատ խաղեր և Չեմպիոնների լիգայի կարևոր հանդիպում անցկացրինք: Այժմ մենք պետք է մտածենք Իսպանիայի գավաթի, իսկ հետո Սուպերգավաթի մասին:
Ես և թիմը լավ մարզավիճակում ենք։ Մենք տարին շատ լավ սկսեցինք՝ դժվարին խաղով [«Վալենսիայի» դեմ՝ 2:1], որը կարողացանք հաղթել, իսկ այժմ անցնում ենք այլ մրցաշարերի։ Հույս ունենք, որ կարող ենք հաղթել և լավ ֆուտբոլ խաղալ։ Շատ հանդիպումներ կան, բայց, ինչպես ասում են այստեղ, մենք պետք է հաղթենք ամեն ինչ և կպայքարենք դրա համար»,- Մբապեի խոսքը մեջբերում է ակումբի մամուլի ծառայությունը։
Դեկտեմբերին Մբապեն մադրիդյան ակումբի կազմում անցկացրել է 6 հանդիպում, որոնցում դարձել է 5 գոլի և 2 գոլային փոխանցման հեղինակ։
Այսօր՝ հունվարի 6-ին, Իսպանիայի գավաթի խաղարկության 1/16 եզրափակչում Մադրիդի «Ռեալը» կխաղա «Դեպորտիվո Միներայի» հետ։
