Մարկ Ռյուտեն ստանձնեց ՆԱՏՕ-ի նոր գլխավոր քարտուղարի պաշտոնը

Նիդեռլանդների նախկին վարչապետ Մարկ Ռյուտեն Բրյուսելում, ՆԱՏՕ-ի կենտրոնակայանում արարողության ժամանակ, այսօր ստանձնեց ՆԱՏՕ-ի ղեկավարի պաշտոնը:

Ռյուտեն կփոխարինի տասը տարի պաշտոնավարող նորվեգացի Յենս Ստոլտենբերգին:

ՆԱՏՕ-ի պաշտոնյաներն ու դիվանագետներն ակնկալում են, որ Ռյուտեն կպահպանի Ստոլտենբերգի առաջնահերթությունները 32 անդամներից բաղկացած դաշինքում՝ տրամադրելով աջակցություն Ուկրաինային, ՆԱՏՕ-ի երկրներին մղելով ավելի շատ ծախսել պաշտպանության վրա և ապահովել ԱՄՆ-ի ներգրավվածությունը եվրոպական անվտանգության մեջ:

Ռյուտեն պաշտոնը ստանձնում է «անորոշության» պայմաններում, երբ ՆԱՏՕ-ն առերեսվում է Ուկրաինայում պատերազմի և ԱՄՆ-ում կայանալիք նախագահական ընտրությունների հետ պայմանավորված մարտահրավերներին:

Ավելի վաղ հրաժեշտի իր խոսքում Ստոլտենբերգը զգուշացրել է ռազմական դաշինքի անդամների «մեկուսացման» վտանգի մասին՝ հավելելով՝ 32 անդամները Ռուսաստանի դեմ առճակատման մեջ «պետք է պատրաստ լինեն վճարել խաղաղության համար»։