Գեղարքունիքում մեկնարկել է կրծքագեղձի քաղցկեղի սքրինինգային ծրագիրը. ԱՆ

Սեպտեմբերի 2-ից Գեղարքունիքի մարզում մեկնարկել է կրծքագեղձի քաղցկեղի սքրինինգային ծրագիրը։ Այս մասին հայտնում է ՀՀ ԱՆ մամուլի ծառայությունը։

Նշվում է, որ կրծքագեղձի վաղ շրջանի ուռուցքի հայտնաբերման դեպքում հիվանդների բուժումը կիրականացվի անվճար, պետպատվերի շրջանակներում։

«Այս տարի էապես ավելանում են նաև պետպատվերի ծավալները, որոնք համաչափորեն բաշխվելու են նաև Գեղարքունիքի մարզի բուժհաստատություններին»,-Գեղարքունիք կատարած այցի ժամանակ ասել է ՀՀ առողջապահության նախարար Անահիտ Ավանեսյանը։

Շարժական մամոգրաֆն այս պահին Վարդենիս քաղաքում է, այնուհետև կլինի Մարտունի, Գավառ, Ճամբարակ և Սևան քաղաքներում։

Նախարարն ու Գեղարքունիքի մարզպետ Կարեն Սարգսյանը այցելել են նաև Վարդենիսի բժշկական կենտրոն, որտեղ կիրականացվեն ընթացիկ արդիականացման աշխատանքներ։ Քննարկվել է նաև բժշկական կենտրոնի նոր շենքի կառուցման հարցը։

Լրահոս

Օրացույց

Հուլիսի 2025
Ե Ե Չ Հ Ու Շ Կ
 123456
78910111213
14151617181920
21222324252627
28293031