Նիգերի իշխանությունները հայտարարել են Ուկրաինայի հետ դիվանագիտական հարաբերությունների անհապաղ խզման մասին՝ կապված Կիևի կողմից ահաբեկչական խմբավորումներին աջակցելու հետ
«Նիգերի Հանրապետության կառավարությունը, ի աջակցություն Մալիի կառավարության և ժողովրդի, որոշել է խզել դիվանագիտական հարաբերություններն Ուկրաինայի հետ։ Սույն որոշումն ուժի մեջ է մտնում անմիջապես», — ասված է հայտարարությունում։
Հիշեցնենք՝ օգոստոսի 5-ին էլ Մալիի իշխանություններն էին հայտարարել Ուկրաինայի հետ դիվանագիտական հարաբերությունների խզման մասին ։ Մինչ այդ Կիևը հանդես էր եկել ի պաշտպանություն ապստամբների, որոնք մարտեր են մղում կառավարական զորքերի դեմ:
