ՌԴ-ից մեկնաբանել են Կիևի մանկական հիվանդանոցի վրա հրթիռային հարձակումը

Կիևի հոսպիտալում տեղի ունեցած միջադեպում խոսքը հակահրթիռի անկման մասին է: Այս մասին լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը:

Լրագրողները Պեսկովին հարց են ուղղել Կիևում մանկական հիվանդանոցին հարվածելու մասին։ Պեսկովը կոչ է արել առաջնորդվել Ռուսաստանի Դաշնության պաշտպանության նախարարության հայտարարությամբ, որը բացարձակապես բացառում է, որ հարվածներ են եղել ինչ-որ քաղաքացիական թիրախների ուղղությամբ:

«Եվ որում նշված է, որ խոսքը հակահրթիռի անկման մասին է», — ասել Է Պեսկովը:

ՌԴ պաշտպանության նախարարությունն ավելի վաղ հայտնել էր, որ Ուկրաինայում քաղաքացիական օբյեկտներին դիտավորյալ ռուսական հարվածի մասին հայտարարությունները չեն համապատասխանում իրականությանը, ավերածությունները պայմանավորված են ուկրաինական ՀՕՊ հրթիռի անկմամբ, Կիևն առաջին անգամ չէ, որ նման սադրանքների է գնում: ՌԴ ՊՆ-ում ընդգծել են, որ Կիևից հրապարակված բազմաթիվ լուսանկարներն ու տեսանյութերը միանշանակ հաստատում են քաղաքի սահմաններում զենիթահրթիռային համալիրից արձակված Ուկրաինական ՀՕՊ հրթիռի անկման հետևանքով ավերածությունների փաստը:

Հուլիսի 8-ի կեսօրին Կիևում պայթյուններ են տեղի ունեցել, և իշխանությունները հայտնել են հակաօդային պաշտպանության աշխատանքի մասին։ Քաղաքի վարչակազմից հայտնել են, որ հրթիռների բեկորների անկում է գրանցվել Կիևի յոթ շրջանում՝ Սոլոմենսկի, Դնեպրովսկի, Դառնիցկի, Դեսնյանսկի, Շևչենկովսկի և Գոլոսեևսկի:

Քաղաքապետ Վիտալի Կլիչկոն ասել է, որ, ըստ նախնական տվյալների, Կիևում զոհվել է 20 մարդ, վիրավորվել՝ գրեթե 100-ը։

Շևչենկոյի շրջանում վնասվել է «Օխմատդիտ» մանկական հիվանդանոցը։ Կլիչկոն հայտնել է հիվանդանոցում 16 զոհի մասին։

Լրահոս

Օրացույց

Հուլիսի 2024
Ե Ե Չ Հ Ու Շ Կ
1234567
891011121314
15161718192021
22232425262728
293031