Խաղաղությունն ու անկախությունը հաղթել, հաղթում ու հաղթելու են պատերազմին ու պետականության կորստին։
Այս մասին «Ֆեյսբուք»-ի իր էջում գրել է ՀՀ էկոնոմիկայի նախարար Գևորգ Պապոյանն՝ անդրադառնալով Բագրատ Գալստանյանի գլխավորած շարժման մասնակիցների ելույթներին։
«Այսօր հանրահավաքի ժամանակ ելույթ ունեցողներից մեկը գոռում է, որ «մենք պատերազմից վախեցող չենք»։
Իհարկե, դուք պատերազմից վախեցող չեք, քանի որ պատերազմի ժամանակ դուք՝ ձեր տաքուկ անկյուններում ու սրճարաններում նստած, զբաղված էիք խիստ հայրենանվեր գործով՝ Ալիևին հայհոյանք տալով, իսկ այդ նույն ժամանակ մեր երեխեքը հերոսաբար կռվում էին հանուն Հայաստանի։
Պատերազմը ձեր համար ընդամենը լավ հնարավորություն է իշխանության գալու համար»,- գրել է Պապոյանը։
