Ռուսաստանում նախագահական ընտրություններին գրանցված միջադեպերը չեն դադարում։
Այս անգամ ՌԴ Կոգալիմ քաղաքի բնակչուհին փորձել է այրել քվեատուփը։ Դեպքի մասին հայտարարել են Ուգրայի ընտրական հանձնաժողովը։ Նրան բերման են ենթարկել, իսկ հրդեհն արագ մարվել է։ Քվեաթերթիկներն ու սարքավորումները չեն վնասվել։
«Ժամը 15:18-ին (Երևանի ժամանակով 14:18-ին) Կոգալիմ քաղաքում՝ թիվ 484 ընտրատեղամասում, Մոլոտովի կոկտեյլի միջոցով քվեատուփն այրելու անհաջող փորձ է արվել», ասվում է հաղորդագրության մեջ։
Ավելի վաղ հայտնի էր դարձել մեկ այլ դեպքի մասին, երբ Մոսկվայում 20-ամյա Ալինա Ն.-ն «զելյոնկա» է լցրել քվեատուփի մեջ, որում շուրջ 100 քվեաթերթիկ է եղել:
