Իսրայելական բանակը վերջին ժամերի ընթացքում մի շարք հարվածներ է հասցրել Լիբանանի հարավային հատվածին։
Այս մասին հայտնել է Լիբանանի Ազգային տեղեկատվական գործակալությունը, հաղորդում է ՏԱՍՍ-ը։
Ըստ տվյալների՝ Էլ-Մանսուրի բնակավայրի շրջանը ենթարկվել է օդային երեք հարձակման և հրետանային հնոցների։ Եվս առնվազն չորս ավիահարված է հասցվել Տյուրոս քաղաքից ոչ հեռու գտնվող Բուրջ էլ-Շիմալի գյուղին։
Լիբանանյան կողմի տվյալներով՝ Տյուրոսի բժշկական հաստատություններ է ընդունվել առնվազն չորս տուժած։
Օգոստոսի 5-ին Իսրայելի պաշտպանության բանակը մեղադրել է «Հեզբոլլահ»-ին Լիբանանի հարավում կրակի դադարեցման ռեժիմը խախտելու համար և հայտարարել արաբական հանրապետության տարածքի գնդակոծման մասին։
Լիբանանյան ԶԼՄ-ների հաղորդումների համաձայն՝ Տիբնին գյուղի վրա իսրայելական հարձակման հետևանքով 1 մարդ զոհվել է, 11-ը՝ ստացել վիրավորում։ Ավելի ուշ ՑԱԽԱԼ-ում տեղեկացրել են Լիբանանի հարավում երկու իսրայելցի զինծառայողի զոհվելու մասին։
