Նյու Յորքի քաղաքապետ Զոհրան Մամդանին հայտարարել է, որ իր վարչակազմը իրավասու չէ կատարել Իսրայելի վարչապետ Բենյամին Նեթանյահուի ձերբակալության Միջազգային քրեական դատարանի օրդերը։ Այս մասին փոխանցում է ՌԻԱ «Նովոստին»։
«Իմ վարչակազմն ուսումնասիրել է գործող օրենսդրության շրջանակներում առկա բոլոր հնարավոր իրավական ուղիները՝ պարզելու համար, թե արդյոք Նյու Յորքը կարող է կատարել Միջազգային քրեական դատարանի ձերբակալության օրդերը, եթե Բենիամին Նեթանյահուն այցելի այստեղ։ Ակնհայտ է, որ մենք չունենք այդ օրդերը ինքնուրույն իրականացնելու իրավական լիազորություններ»,-հայտարարել է Մամդանին X սոցիալական հարթակում հրապարակված տեսաուղերձում։
Քաղաքապետը նաև կոչ է արել ԱՄՆ դաշնային կառավարությանը կատարել այդ օրդերը։
Ավելի վաղ Մամդանին հայտարարել էր, որ ուսումնասիրում է Իսրայելի վարչապետի հնարավոր ձերբակալության իրավական հիմքերը, եթե նա այցելի Նյու Յորք։
Մամդանին հղում էր կատարել Հաագայի Միջազգային քրեական դատարանի կողմից Նեթանյահուի դեմ առաջադրված՝ ենթադրյալ ռազմական հանցագործությունների մեղադրանքներին։
