Աշխարհի 2026 թվականի առաջնության 1/16 եզրափակիչի շրջանակում Բրազիլիայի հավաքականը դրամատիկ պայքարում 2-1 հաշվով հաղթանակ կորզեց Ճապոնիայի ընտրանուց՝ կամային որակներ դրսևորելով հանդիպման հենց վերջնամասում։
Խաղի հաշիվը 29-րդ րոպեին բացեցին ճապոնացիները. աչքի ընկավ Կաիշու Սանոն՝ առաջ մղելով Ասիայի ներկայացուցիչներին: Բրազիլիան կարողացավ վերականգնել հավասարությունը երկրորդ խաղակեսում. 56-րդ րոպեին Գաբրիել Մագալյաեսի փոխանցումից հետո գոլի հեղինակ դարձավ Կառլոս Կազեմիրոն:
Թվում էր՝ խաղը կտեղափոխվի լրացուցիչ ժամանակ, սակայն բրազիլացիները իսկական քամբեք արեցին մրցավարի կողմից ավելացված ժամանակում։ 66-րդ րոպեին Մատեուս Կունյայի փոխարեն դաշտ դուրս եկած Գաբրիել Մարտինելին 90+5-րդ րոպեին խփեց հաղթական գնդակը՝ ձևակերպելով խաղի վերջնահաշիվը։
Այս ծանրագույն հաղթանակի շնորհիվ Բրազիլիայի ազգային հավաքականը նվաճեց 1/8 եզրափակիչի ուղեգիր, որտեղ մրցելու է Կոտ դ’Իվուար — Նորվեգիա զույգի հաղթողի հետ։
