Առայժմ միայն մեկ մարդու թեկնածություն է հաստատվել ԱՄՆ նախագահ Դոնալդ Թրամփի «Ոսկե քարտ» վիզային ծրագրին մասնակցելու համար, որն օտարերկրացիներին տրամադրում է ԱՄՆ-ում կացության թույլտվություն՝ 1 միլիոն դոլար վճարի դիմաց։ Դրա մասին հինգշաբթի հայտնել է առևտրի նախարար Հովարդ Լատնիկը. հայտնում է Bloomberg գործակալությունը:
Լատնիկը չի հայտնել հաստատված դիմումատուի ինքնությունը:
ԱՄՆ Կոնգրեսի Ներկայացուցիչների պալատի հանձնաժողովի առջև ունեցած ելույթի ժամանակ նա հայտարարել է, որ «հարյուրավոր» այլ օտարերկրացիների վիզայի դիմումներ քննարկման փուլում են:
