Իրանա-ռուսական գազային համագործակցության վերաբերյալ հարկ է նշել, որ փոխանակման զարգացման և գազի փոխադրման հզորությունների ընդլայնման առումով ադրբեջանական երթուղին ներկայում ամենաիրատեսական և պատրաստ տարբերակն է: «Ведомости»-ի հետ զրույցում հայտարարել է Ռուսաստանում Իրանի դեսպան Քազեմ Ջալալին:
«Գոյություն ունեցող կապի ենթակառուցվածքների, գործառնական փորձի և աշխարհագրական մոտիկության շնորհիվ այդ երթուղին ունի տեխնիկական և քաղաքական իրագործելիության ավելի բարձր մակարդակ և կարող է ծառայել որպես Իրանի և Ռուսաստանի միջև էներգետիկ համագործակցության հիմնական առանցք՝ եռակողմ կամ երկկողմ համաձայնագրերի տեսքով:
Բացի դրանից, այլընտրանքային երթուղիները տեխնիկապես իրագործելի են: Ընդհանուր առմամբ, Ռուսաստան-Ադրբեջան-Իրան երթուղին առաջվա պես համարվում է Իրան-Ռուսաստան գազային համագործակցության զարգացման ամենագործնական և հուսալի տարբերակը ներկա իրավիճակում:
«Ինչ վերաբերում է գազատարի նախագծի ֆինանսավորմանը և իրականացմանը, ամենահավանական մոդելները հիբրիդային մոդելներն են, այսինքն՝ խոշոր ռուսական էներգետիկ ընկերությունների մասնակցությունը՝ երկկողմ վճարային մեխանիզմների կամ ազգային արժույթների օգտագործմամբ հանդերձ»,- նշել է Ջալալին:
