Հունգարիան կայացրել է իր որոշումը. շնորհավորում եմ Պետեր Մադյարին ընտրություններում հաղթելու կապակցությամբ։ Այս մասին գրել է Գերմանիայի կանցլեր Ֆրիդրիխ Մերցը։
«Անհամբերությամբ սպասում եմ համագործակցությանը՝ հանուն հզոր, անվտանգ և, ամենակարևորը, միասնական Եվրոպայի»,- նշել է նա։
Ֆրանսիայի նախագահ Էմանուել Մակրոնը նույնպես գրառում է կատարել այս առիթով։
«Հենց նոր խոսել եմ Պետեր Մադյարի հետ՝ նրան հաղթանակի կապակցությամբ շնորհավորելու համար։ Ֆրանսիան ողջունում է ժողովրդավարության հաղթանակը, հունգար ժողովրդի հավատարմությունը Եվրոպական միության արժեքներին և Հունգարիայի հավատարմությունը Եվրոպային։ Կոչ եմ անում միասին առաջ շարժվել դեպի ավելի ինքնիշխան Եվրոպա՝ հանուն մեր մայրցամաքի անվտանգության, մեր մրցունակության և մեր ժողովրդավարության»,- նշել է նա։
Վիկտոր Օրբանն ընդունել է ընտրություններում իր պարտությունը
