Ազովի ծովում ցորենով բեռնված «Վոլգո-Բալտ» տիպի բեռնանավ է խորտակվել։
Այս մասին հայտնել է Խերսոնի մարզպետ Վլադիմիր Սալդոն՝ հավելելով, որ մեկ մարդ զոհվել է, կան անհետ կորածներ։
Անձնակազմի մի մասին հաջողվել է դուրս գալ նավից և հասնել Խերսոնի ափ։ Առաջին օգնությունը ցուցաբերել են տեղացիները՝ դիմավորելով անձնակազմին մինչ հատուկ ծառայությունների ժամանումը։
«Ափին հայտնաբերվել է անձնակազմի 9 անդամ՝ ՌԴ քաղաքացիներ։ Մեկ մարդ՝ ծնված 1991 թվականին (նավապետի ավագ օգնական), մահացել է: Անձնակազմի ևս երկու անդամի գտնվելու վայրը անհայտ է»,- ասվում է հաղորդագրության մեջ։
