Իրանում մահապատժի են ենթարկել հակառակորդի օգտին գործող երկու անձի, հայտնում է «Fars» գործակալությունը։
«Մոնաֆեգին» խմբավորման ահաբեկիչները՝ Աբոլհասան Մոնթազերն ու Վահիդ Բանի-Ամերիանը Թեհրանում գործել են հանուն ագրեսորի շահերի։ Դատական գործընթացից ու Գերագույն դատարանի վերջնական որոշումից հետո նրանց կախաղան են բարձրացրել։
Այս զինված խմբավորման անդամները մի շարք ահաբեկչություններ ու պայթյուններ են իրականացրել Թեհրանի տարբեր հատվածներում՝ հակառակորդի համակարգողի անմիջական ղեկավարությամբ», — գրում է իրանական լրատվամիջոցը։
Հաղորդվում է, որ մահապատժի ենթարկվածները ձերբակալվել են այն պահին, երբ փորձել են գործողություն իրականացնել արձակման սարքի միջոցով:
