Թրամփը լուրջ կերպով դիտարկում է Միացյալ Նահանգների դուրս գալը ՆԱՏՕ-ից այն բանից հետո, երբ դաշինքը չմիացավ Իրանի դեմ իր պատերազմին: Այս մասին The Telegraph-ին տված հարցազրույցում ասել է ԱՄՆ նախագահ Դոնալդ Թրամփը:
Հարցին, թե արդյոք նա կվերանայի ԱՄՆ անդամակցությունը դաշինքին հակամարտությունից հետո, Թրամփը պատասխանել է.
«Օ՜, այո, ես կասեի, որ դա վերանայման փուլից էլ դուրս է։ Ինձ երբեք ՆԱՏՕ-ն չի տպավորել։ Ես միշտ գիտեի, որ նրանք թղթե վագր են, և ի դեպ, Պուտինը նույնպես դա գիտի»։
Առանձնացնելով Մեծ Բրիտանիան՝ ԱՄՆ նախագահը կշտամբել է սըր Քիր Սթարմերին՝ Իրանի դեմ ամերիկա-իսրայելական պատերազմին միջամտելուց հրաժարվելու համար՝ ակնարկելով, որ թագավորական նավատորմը պատրաստ չէ այդ խնդրին:
«Դուք նույնիսկ նավատորմ չունեք: Դուք չափազանց հին եք և ունեիք ավիակիրներ, որոնք չէին աշխատում»,- ասել է նա։
Նախագահը պատրաստվում է չորեքշաբթի օրը՝ ժամը 21:00-ին (Երևանի ժամանակով՝ հինգշաբթի, ժամը 05:00-ին) հանդես գալ ուղերձով ուղղված ազգին՝ ներկայացնելու պատերազմի ընթացքի վերաբերյալ թարմ տեղեկություններ։
Նա նշել է, որ պատերազմը կարող է ավարտվել երկու, գուցե երեք շաբաթից՝ հավելելով, որ միակ նպատակն է թույլ չտալ Իրանին տիրանալ միջուկային զենքի։
