ԱՄՆ-ն կվերանայի իր հարաբերությունները Հյուսիսատլանտյան դաշինքի հետ Իրանի հետ պատերազմից հետո։
Այս մասին հայտարարել է ԱՄՆ պետքարտուղար Մարկո Ռուբիոն։
«ՆԱՏՕ-ն օգտակար է Վաշինգտոնի համար, քանի որ թույլ է տալիս նրան զինվորներ և ռազմական տեխնիկա տեղակայել Միացյալ Նահանգների սահմաններից դուրս, բայց եթե դաշինքը սահմանափակվում է միայն նրանով, որ Միացյալ Նահանգները պաշտպանում է Եվրոպային, իսկ վերջինս անհրաժեշտության դեպքում մերժում է Վաշինգտոնին բազաների օգտագործման հարցում, ապա դա լավ համաձայնություն չէ»,- ասել է Ռուբիոն:
Պետքարտուղարի բնորոշմամբ՝ ՆԱՏՕ-ն, որպես դաշինք, չպետք է լինի միակողմանի փողոց։ Նա հույս է հայտնել, որ կկարողանան լուծել այդ խնդիրը։
«Այս ձևաչափում դժվար է մնալ ներգրավված և ասել, որ դա օգուտ է բերում միայն Միացյալ Նահանգներին։ Հետևաբար, այս ամենը պետք է վերանայվի»,- ընդգծել է նա։
