«Բրիջերթոն» սերիալի աստղ Ժենևիև Շանները մեծ իրարանցում է առաջացրել Լոնդոնի նորաձևության շաբաթում՝ իր բացահայտ, առանց կրծկալի կերպարով։
28-ամյա դերասանուհին, որը մարմնավորել էր Կլարա Լիվինգսթոնի դերը հայտնի դրամայում, մասնակցել է Լոնդոնի նորաձևության շաբաթվա «Poet-Lab» ցուցադրությանը և անմիջապես հայտնվել ուշադրության կենտրոնում։
Ժենևիևը ընտրել է լիովին թափանցիկ, կետավոր պոնչո՝ բարձր ծալքավոր օձիքով։ Դերասանուհին ստիպված էր կուրծքը ծածկել ձեռքերով, ինչը տեսքն ավելի հակասական է դարձրել։
Նա համարձակ վերնաշապիկը համադրել էր արծաթագույն մետաղական, մաքսի կիսաշրջազգեստի և սև կաշվե բարձրակրունկ կոշիկների հետ։ Կերպարը լրացրել են թաց ոճի սանրվածքը և նրբագեղ մարգարտե ականջօղերը։
