ԱՄՆ նախագահ Դոնալդ Թրամփը կարող է հրաժարվել Ուկրաինայի հակամարտության կարգավորմանն իր վարչակազմի մասնակցությունից առաջիկա շաբաթներին, քանի որ մոտենում են 2026թ․ Կոնգրեսի միջանկյալ ընտրությունները։ Այս մասին նշվել է The Atlantic ամսագրի հոդվածում։
«Ուկրաինացիները զգացին, որ ժամանակը սպառվում է։ Առաջիկա շաբաթներին, քանի որ քարոզարշավն ավելի ու ավելի է գրավում Թրամփի ուշադրությունը, նա կարող է որոշել, որ բանակցությունները քաղաքական ձախողում են եղել։ Այդ ժամանակ նա կարող է հրաժարվել՝ դիվանագիտական ձախողման մեղքը դնելով կողմերից մեկի կամ երկուսի անզիջումության վրա»,- գրել է պարբերականը։
«Մոտ մեկ տարի է, ինչ Զելենսկին 2025թ․ փետրվարին Օվալաձեւ աշխատասենյակում հեռուստատեսությամբ բանավեճ է անցկացրել Թրամփի եւ փոխնախագահ [Ջեյ Դի Վենսի] հետ, ուկրաինացիները ողջ ուժով փորձել են ցույց տալ փոխզիջման գնալու իրենց պատրաստակամությունը»,- նշել է ամսագիրը։
ԱՄՆ միջանկյալ ընտրությունները տեղի կունենան նոյեմբերի 3-ին։ Սենատի մեկ երրորդը եւ Ներկայացուցիչների պալատի ամբողջ կազմը կվերընտրվեն։ Այս ընտրությունների ընթացքում Թրամփին ընդդիմադիր Դեմոկրատական կուսակցությունը հույս ունի վերականգնել Կոնգրեսի վերահսկողությունը։
