Ես չեմ տեսնում կառավարությունում ինձ որպես նախարար աշխատելիս, բայց մեր քաղաքական թիմում կան բազմաթիվ մարդիկ, որ այդ գիտելիքներն ունեն ու կարող են: Չեմ տեսնում նաև, որ մանդատը վերցնեմ ու դառնամ պատգամավոր, անցած անգամ մանդատը չեմ վերցրել: Այս մասին մամլո ասուլիսի ժամանակ ասել է ՀՀ երկրորդ նախագահ Ռոբերտ Քոչարյանը:
«Եթե մեր քաղաքական ուժը առաջին տեղը չունենա, ես որևէ հավակնություն չեմ ունենալու:
Ես շարքային ընդդիմադիր եմ, տվյալ դեպքում շարքային եմ, թե ոչ, կախված է նրանից, թե տվյալ քաղաքական ուժը քո առաջնորդությունը ընդունում է, թե ոչ: Յուրաքանչյուր ընդդիմադիր ընտրությունների մասնակցող ուժ, պետք է հայտարարի, որ բացառում է որևէ համագործակցություն «Քաղաքացիական պայմանագրի» հետ:
Ինչ վերաբերվում է, թե հետո ով կլինի վարչապետը, ապա, ըստ Քոչարյանի, կա շատ պարզ տարբերակ՝ ով ավելի մեծ տոկոս է հավաքում, նրա առաջնային իրավունքն է վարչապետ առաջադրվել:
