Իսրայելի և Թուրքիայի մասնակցությունը Գազայի խաղաղության խորհրդում, որը ստեղծվել է ԱՄՆ նախագահ Դոնալդ Թրամփի կողմից, կնպաստի երկու երկրների միջև հարաբերությունների բարելավմանը և ներկայիս լարվածության մեղմմանը։ Այս մասին հայտարարել է ԱՄՆ նախագահի հատուկ բանագնաց Սթիվ Ուիթքոֆը։
«Ես խոսեցի Նեթանյահուի հետ։ Նա գիտի, որ խորհրդին միանալը շատ կարևոր է։ Մենք գիտենք, որ Իսրայելի և Թուրքիայի, ինչպես նաև Կատարի միջև որոշակի լարվածություն կա։ Եվ մենք փորձում ենք ապահովել այս երկու երկրների միջև երկխոսությունը», — ասել է նա՝ CNBC-ին տված հարցազրույցում։
