Երևանի բնակիչ 18-ամյա Միխայել Դոլգովի մահվան դեպքի առթիվ վարույթ է նախաձեռնվել ինքնասպանության հասցնելու հատկանիշներով։ Քննչական կոմիտեից NEWS.am–ին հայտնեցին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 162-րդ հոդվածի 1-ին մասով (ինքնասպանության հասցնելը)։
Նշանակվել է դիակի դատաբժշկական փորձաքննություն։ Կատարվում է նախաքննություն։
Ավելի վաղ հայտնել էինք, որ հունվարի 12-ին Հրազդան գետում ոստիկանները հայտնաբերել են Երևանի բնակիչ 18-ամյա Միխայել Դոլգովի դին․ երիտասարդը որպես անհետ կորած դեկտեմբերի 11-ից որոնվում էր։
