Հունվարի 3-ի գիշերը Կարակասում Վենեսուելայի առաջնորդ Նիկոլաս Մադուրոյին և նրա կնոջը՝ Սիլիա Ֆլորեսին, գերի վերցնելու ԱՄՆ գործողության ընթացքում սպանվել է Կուբայի 32 քաղաքացի։ Կուբայի կառավարությունն այդ հայտարարությունը տարածել Facebook-ում երկուշաբթի՝ հունվարի 5-ի գիշերը։
Համաձայն հաղորդագրության՝ բոլոր զոհվածները երկրի բանակի և հետախուզական ծառայությունների աշխատակիցներ են։ Հունվարի 5-ը և 6-ը Կուբայում նրան պատվին հայտարարվել են որպես սգո օրեր։ «Հավատարիմ մնալով անվտանգության ապահովման և պաշտպանության հետ կապված իրենց պարտականություններին՝ մեր հայրենակիցները արժանապատվությամբ և հերոսությամբ կատարեցին իրենց պարտքը և ընկան կատաղի դիմադրությունից հետո՝ հարձակվողների հետ ուղղակի բախման կամ ռմբակոծությունների հետևանքով»,- նշել են Կուբայի կառավարությունում։
Reuters-ը պարզաբանում է, որ Վենեսուելայում Նիկոլաս Մադուրոյի իշխանության գալուց հետո Կուբայի իշխանությունները մասնակիորեն ապահովում էին նրա անվտանգության միջոցառումները։ Հայտնի չէ, թե կոնկրետ քանի կուբացի է զոհվել Մադուրոյի պահպանության առաջադրանքը կատարելիս, և քանիսը՝ այլ հանգամանքներում։
Այն փաստը, որ հունվարի 3-ին «շատ կուբացիներ են սպանվել», հաստատել է նաև ԱՄՆ նախագահ Դոնալդ Թրամփը հունվարի 4-ին Air Force One նախագահական ինքնաթիռում լրագրողների հետ զրույցում։ «Մյուս կողմում շատ մահեր են եղել։ Մեր կողմից զոհեր չկան»,- ասել է նա։
