Թուրքիայի իշխանությունների հետ կապեր ունեցող թուրքական Hurriyet–ի սյունակագիր Աբդուլադիր Սելվին կասկասծի տակ է առել օերեր առաջ Թուրքիայում Լիբիայի ԶՈՒ գլխավոր շտաբի պետին տեղափոխող օդանավի կործանման դժբախտ պատահար լինելու վարկածը։
Hurriyet–ի սյունակագիրը կասկած է հայտնել, որ օդանավի կործանման պատճառ է դարձել օդանավի էլեկտրոնային համակարգի մեջ նախօրոք տեղադրված ծրագիրը, որն ակտիվացել է օդանավի թռիչքից հետո։
Աբդուլքադիր Սելվին ուշադրություն է հրավիրում այն հանգամանքի վրա, որ օդանավը Մալթայի դրոշով է՝ շեշտելով որ Մալթան այն երկրներից է, որտեղ մեծ գործունեություն են ծավալում Իսրայելի հատուկ ծառայություն Մոսսադը եւ Մեծ Բրիտանիայի հետախուզությունը։
Նշվում է, որ օդանավում էլեկտրական խնդիրներ են առաջանում Անկարայի օդանավակայանից թռչելուց 14 րոպե անց։ Օադանավի էկրանը մի քանի անգամ սեւացել է եւ իվերջո դուրս եկել շարքից, ինչի հետեւանքով օդանավը կորցրել է կառավարումը եւ կործանվել։
Հիշեցնենք, որ օրեր առաջ Թուրքիայում հանդիպումներ անցկացնելուց հետո Լիբիայի ԶՈւ գլխավոր շտաբի պետի գլխավորած պատվիրակությունը Falcon 50 տիպի օդանավով Անկարայից պետք է վերադառնար Տրիպոլի, սակայն թռիչքից հետո կարճ ժամանակ անց դեռեւս անհայտ պատճառոներով կործանվել է։ Լիբիացի գեներալի հետ միասին օդանավում գտնվող բոլոր 8 հոգին զոհվել են։
