Այսօր՝ դեկտեմբերի 25-ին, ավտովթար է տեղի ունեցել Երևանում։ Ժամը 12:20-ի սահմաններում Դավիթ Բեկ փողոցում՝ սուրբ մատուռի դիմաց, բախվել են «Zeekr» և «GAC» մակնիշի ավտոմեքենաները, հաղորդում է Shamshyan.com-ը։
Վթարի հետևանքով ըստ նախնական տեղեկությունների բարեբախտաբար տուժածներ չկան։
Տեղում վարորդները հրաժարվել են շտապօգնության բժիշկների օգնությունից՝ ասելով, որ իրենք վնասվածքներ չեն ստացել։
Վթարի փաստով ՊԾ Երևան քաղաքի գնդի 4-րդ գումարտակում փաստաթղթեր են կազմվում, որտեղ պարզում են ավտոմեքենաների սեփականատերերի և վարորդների ինքնությունը։
