Կամբոջայի հետ սահմանային հակամարտության ժամանակ զոհված թաիլանդցի զինծառայողների թիվը հասել է 17-ի։ Այս մասին հաղորդում է «Matichon» թերթը։
Նրա տվյալներով՝ դեկտեմբերի 15-ին շարունակվող մարտերից հետո թաիլանդցի սպա է սպանվել։
Հրազենի կիրառմամբ բախումները սկսվել են դեկտեմբերի 7-ին։ Թաիլանդի ցամաքային զորքերը դեկտեմբերի 8-ին հայտնել են, որ կամբոջական զորքերը սահմանամերձ գոտում սկսել են իրենց դիրքերի հրետակոծությունը։ Ի պատասխան՝ Թաիլանդի ռազմաօդային ուժերը գրոհել են Կամբոջայի ռազմական ենթակառուցվածքները։ Կամբոջան չի տեղեկացրել այս հակամարտության ընթացքում իր անդառնալի կորուստների մասին, սակայն, թաիլանդական կողմի տվյալներով, բախումների հետևանքով ավելի քան 200 կամբոջացի զինծառայող է զոհվել։ Կամբոջայի տեղեկատվության նախարար Նեթ Փհեակտրան ավելի վաղ հայտնել է քաղաքացիական անձանց շրջանում 15 զոհի մասին։
