ԱՄՆ նախագահ Դոնալդ Թրամփը, ելույթ ունենալով Սպիտակ տան Վարդերի այգում Կոնգրեսի հանրապետական անդամների համար կազմակերպված ճաշկերույթի ժամանակ, պատմել է, թե ինչպես են իրեն մի անգամ անվանել «Միացյալ Նահանգների երրորդ լավագույն նախագահը»։
Ըստ Թրամփի՝ երբ համեմատողին հարցրել են, թե ովքեր են առաջին երկուսը, նա պատասխանել է՝ Ջորջ Վաշինգտոնը և Աբրահամ Լինքոլնը։
«Շատ դժվար է գերազանցել Վաշինգտոնին և Լինքոլնին, բայց մենք փորձելու ենք։ Չէ՞ որ նրանք չկանգնեցրին ութ պատերազմ։ Իններորդի հերթն է»,- ասել է ԱՄՆ նախագահը։
