Անդրանիկ Քոչարյանի գլխավորած պատվիրակությունը կմասնակցի ՆԱՏՕ-ի ԽՎ տարեկան նստաշրջանին

ՆԱՏՕ-ի Խորհրդարանական վեհաժողովի տարեկան նստաշրջանին մասնակցելու համար հոկտեմբերի 9-13-ը Լյուբլյանա (Սլովենիայի Հանրապետություն) կգործուղվի ՆԱՏՕ-ի ԽՎ-ում Ազգային ժողովի պատվիրակության ղեկավար, Ազգային ժողովի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։

Սեպտեմբերի 26-ին այդ մասին կարգադրություն է ստորագրել ԱԺ նախագահ Ալեն Սիմոնյանը։

Նշվում է, որ Քոչարյանի հետ Լյուբլյանա կմեկնեն նաև Ազգային ժողովի պատգամավորներ Արուսյակ Ջուլհակյանը և Վահագն Ալեքսանյանը, ինչպես նաև պատվիրակության քարտուղար, Ազգային ժողովի աշխատակազմի Արտաքին կապերի վարչության խորհրդատու Զաբելա Ղազարյանը։