Ֆրանսիայի նախագահ Էմանուել Մակրոնը ստիպված է եղել կրճատել Նյու Յորքով դեպի Ֆրանսիայի դեսպանատուն իր զբոսանքը՝ ԱՄՆ նախագահ Դոնալդ Թրամփի ավտոշարասյանն անցնելուն սպասող փողոցում տեղադրված ոստիկանական պարսպի պատճառով։ Այս մասին հայտնել է Brut առցանց պորտալը, որը հրապարակել է պետության ղեկավարի և ոստիկանության միջև զրույցի տեսանյութը։
«Շատ եմ ցավում, պարոն նախագահ, այս պահին ամեն ինչ փակ է», — Մակրոնին բացատրել է ոստիկանը։ Այնուհետև նախագահը բջջային հեռախոսով զանգահարել է Թրամփին՝ իրավիճակի մասին տեղեկացնելու համար։
«Պատկերացնո՞ւմ եք, ես դրսում սպասում եմ, որովհետև ձեզ համար ամեն ինչ փակ է», — ասել է նա։ Դրանից հետո, ըստ պորտալի, Մակրոնը շարունակել է իր զրույցը ամերիկացի առաջնորդի հետ և ևս կես ժամ քայլել է քաղաքով՝ ՄԱԿ-ի շենքից, որտեղ այդ երեկոյան ավարտվել է Ֆրանսիայի և Սաուդյան Արաբիայի կողմից կազմակերպված համաժողովը, որի ժամանակ Մակրոնը հայտարարել է Պաղեստինի պետականության ճանաչման մասին։
Ավելի վաղ, Նյու Յորքում ՄԱԿ-ի կենտրոնակայանում կայացած համաժողովում, Անդորրան, Բելգիան, Լյուքսեմբուրգը, Մալթան, Սան Մարինոն և Ֆրանսիան հայտարարել են Պաղեստինի պետության ճանաչման մասին։ Սեպտեմբերի 21-ին Ավստրալիան, Միացյալ Թագավորությունը, Կանադան և Պորտուգալիան պաշտոնապես ճանաչել են Պաղեստինը։ Նրանց հայտարարությունների համաձայն՝ «երկու պետություն՝ երկու ժողովուրդների համար» սկզբունքին հավատարմությունը խաղաղության և անվտանգության բանալին է թե՛ պաղեստինյան, թե՛ իսրայելական ժողովուրդների համար։
