Մադրիդի «Ռեալը» շնորհավորել է US Open-ում երկրորդ տիտղոսը նվաճած իսպանացի թենիսիստ Կառլոս Ալկարասին, որը Արքայական ակումբի երկրպագու է։
«Թանկագին Կառլոս, շնորհավորում ենք US Open-ում երկրորդ տիտղոսի, «Մեծ սաղավարտի» մրցաշարերում 6-րդ տիտղոսի եւ աշխարհի առաջին ռակետի կոչման առթիվ։
Մադրիդիստները միշտ քեզ հետ են եւ հպարտանում են քեզնով։ Շնորհավոր չեմպիոն»,- նշվում է «Ռեալի» շնորհավորական հաղորդագրությունում։
22-ամյա Ալկարասը ԱՄՆ-ի բաց առաջնության եզրափակիչում 6:2, 3:6, 6:1, 6:4 հաշվով պարտության էր մատնել իտալացի Յանիկ Սիներին։
Ալկարասը երկուական անգամ հաղթել է «Ռոլան Գարոսում» (2024, 2025), Ուիմբլդոնի մրցաշարում (2023, 2024) եւ US Open-ում (2022, 2025)։
