Գերմանիայի կանցլեր Ֆրիդրիխ Մերցը Sat1 հեռուստաալիքին տված հարցազրույցում հայտարարել է, որ ՌԴ նախագահ Պուտինն այժմ իր համար հիմքեր չի տեսնում հաշտության, առավել ևս Ուկրաինայի հետ խաղաղության համաձայնագիր կնքելու համար։
«Մենք պետք է հիմքեր ստեղծենք դրա համար։ Ռազմական առումով դա դժվար կլինի, բայց տնտեսական առումով՝ լիովին հնարավոր է», — ընդգծել է Մերցը։
Նրա խոսքով՝ խնդիրը Ռուսաստանին տնտեսապես «հյուծելն» է՝ զրկելով նրան իր ռազմական մեքենան պահելու հնարավորությունից, հաղորդում է DW-ն։ Մերցի կարծիքով՝ դա կարելի է անել, օրինակ, Ռուսաստանի հետ առևտուրը շարունակող երկրների նկատմամբ մաքսատուրքեր սահմանելով։
