Սոչիի միջազգային օդանավակայանի ժամանակավոր սահմանափակումների պատճառով ուշանում են մի շարք ինքնաթիռների ժամանումներն ու մեկնումները, «Ինտերֆաքսին» հայտնել են օդանավակայանի մամուլի ծառայությունից։
«Ներկայումս Սոչիի օդանավակայանից ուշանում է 12 ինքնաթիռի մեկնում և 6-ի՝ ժամանումը։ Ավիաընկերությունները վերականգնում են իրենց չվացուցակը»,- ասել է մամուլի ծառայության ներկայացուցիչը։
Սպասման ընթացքում երեխաների կազմակերպված խմբերը տեղավորվել են առանձին սենյակում, իսկ մյուս ուղևորներին տրամադրվել են հատուկ գորգեր՝ հարմարավետ սպասելու համար։
«Հետևյալ ինքնաթիռները թռել են պահեստային օդանավակայաններ՝ SU-2953 Չելյաբինսկ-Սոչի, SU-1074 Շերեմետևո-Սոչի, UT-517 Նիժնևարտովսկ-Սոչի, N4 524 Եկատերինբուրգ-Սոչի», — ասել է գործակալության զրուցակիցը։
Հաղորդվում է, որ օգոստոսի վերջին օրերին ավանդաբար Սոչիից մեկնող ուղևորների հոսքը մեծանում է։
«Ավիաընկերությունները աշխատում են ուշացող չվերթների ուղևորներին օրենսդրության պահանջներին համապատասխան անհրաժեշտ ամեն ինչով ապահովելու ուղղությամբ՝ սնունդ, զովացուցիչ ըմպելիքներ, իսկ երկարատև ուշացման դեպքում՝ հյուրանոցում տեղավորում», — հավելել են մամուլի ծառայությունից։
