British Airways ավիաընկերության դեպի Եգիպտոս չվերթի ինքնաթիռի մի քանի ուղևորներ հանկարծակի սկսել են արտխառնոց զգալ՝ ենթադրյալ թունավոր գոլորշիների պատճառով, գրում է Daily Star-ը։
61-ամյա բրիտանուհի Մելանի Ուելսը դստեր հետ թռչում էր Լոնդոնի Գատվիկ օդանավակայանից։ Թռիչքից անմիջապես հետո նա ուժեղ գլխացավ է ունեցել, իսկ թռիչքից երկու ժամ անց անձնակազմի մի քանի անդամների և ուղևորների ինքնազգացողությունը սկսել է կտրուկ վատանալ. նրանք գլխացավ և սրտխառնոց են ունեցել։
Ինքնաթիռն արտակարգ վայրէջք է կատարել Վենետիկում։ Դեպքի վայր են ժամանել շտապօգնության ավտոմեքենա, հրշեջներ և շնչառական սարքերով պաշտպանիչ հագուստով մասնագետներ։ Զբոսաշրջիկներն անտեղյակության մեջ են եղել, ինչն, ըստ Ուելսի, իրեն հիշեցրել է համավարակի ժամանակ ստեղծված իրավիճակը։
8 ժամ ուշացումից հետո թռիչքը վերաուղղորդվել է դեպի Լոնդոն, և հաջորդ օրը ուղևորները կարողացել են շարունակել իրենց թռիչքը դեպի Շարմ էլ Շեյխ։
Ուելսը 2130 ֆունտ ստեռլինգ փոխհատուցում է պահանջել, սակայն ավիաընկերությունը հրաժարվել է վերադարձնել բաց թողնված հյուրանոցի համար նախատեսված գումարը։ British Airways-ն ավելի ուշ հայտարարել է, որ ինքնաթիռում տոքսիններ կամ ծուխ չեն հայտնաբերել և միջադեպը բացատրել է «տեխնիկական խնդիրներով»։
