Ռուսաստանի Դաշնության նախագահական աշխատակազմում նոր վարչություն է ստեղծվել՝ ռազմավարական գործընկերության և համագործակցության վարչություն։ Վլադիմիր Պուտինի համապատասխան հրամանագիրը ուժի մեջ է մտնում այսօրվանից։
Միաժամանակ, լուծարվել են երկու՝ արտասահմանյան երկրների հետ միջտարածաշրջանային, ինչպես նաև մշակութային կապերի և սահմանային համագործակցության վարչությունները։ Նախագահական աշխատակազմի ղեկավարին հանձնարարվել է երեք ամսվա ընթացքում անհրաժեշտ կազմակերպչական և կադրային փոփոխություններ իրականացնել։ Մինչև այդ ընթացակարգերի ավարտը, լուծարված վարչությունների աշխատակիցները կշարունակեն աշխատել։
Միջտարածաշրջանային և մշակութային կապերի վարչությունը ղեկավարում էր Իգոր Մասլովը, իսկ սահմանային համագործակցության վարչությունը՝ Ալեքսեյ Մասլովը։ Այդ կառույցները զբաղվել են միջազգային նախագծերով, որոնք աջակցել են Ռուսաստանի արտաքին քաղաքականության ռազմավարության իրականացմանը, ինչպես նաև համակարգել են սահմանային համագործակցությունը և երկրի նախագահին վերլուծական նյութեր տրամադրել։