Դերասանուհի Սոֆի Թըրները, որն առավել հայտնի է «Գահերի խաղը» սերիալում Սանսա Ստարկի դերակատարմամբ, խոսել է շոուի ամենավիճահարույց պահերից մեկի՝ 5-րդ եթերաշրջանում իր կերպարի բռնաբարության մասին: Flaunt-ին տված հարցազրույցում 29-ամյա աստղը խոստովանել է, որ հասկանում է, թե ինչու էին հեռուստադիտողները վրդովված, բայց պնդել է, որ դրվագը և՛ կարևոր էր, և՛ խորապես ճշմարիտ։
«Այո, դա տխուր տեսարան էր: Ես հասկանում եմ, թե ինչու էին մարդիկ վրդովված: Բայց մենք խոսում էինք այն բաների մասին, որոնց մասին, սովորաբար, լռում են՝ այն մասին, թե ինչպես են կանայք դարեր շարունակ օբյեկտիվացվել, ենթարկվել և նվաստացվել: Յուրաքանչյուր կին, որին ես ճանաչում եմ, ունեցել է առնվազն մեկ նման փորձառություն»,-խոստովանել է դերասանուհին։
Տեսարանը, որտեղ Սանսան դառնում է իր սադիստ ամուսին Ռեմսի Բոլթոնի զոհը, լայն արձագանք է ստացել 2015 թվականին: Շատ քննադատներ այն անվանել են «անտեղի դաժան» և «սադրիչ»: Սակայն Թըրները շարունակում է մնալ իր համոզմունքում, որ սերիալը «չի ռոմանտիկացրել բռնությունը, այլ ցույց է տվել պատմական ճշմարտությունը».
«Եթե շոուն այսօր հեռարձակվեր, այդ տեսարանների համար կլինեին նախազգուշացումներ։ Բայց ես հպարտ եմ, որ մասնակցել եմ մի նախագծի, որը չի հրաժարվել իրականում տեղի ունեցածից»։
Ռեմզիի դերը մարմնավորած Իվան Ռեոնը նույնպես հիշել է այդ պահի նկարահանումը՝ այն համարելով «իր կարիերայի ամենավատ օրը»։ Նա բացատրել է. «Ոչ ոք չէր ուզում նկարահանել այն։ Բայց եթե դուք պատմում եք այդպիսի պատմություն, այն պետք է պատմվի անկեղծորեն»։
Թըրները նաև կատակել է, որ «Գահերի խաղը» դարձել է իր «առաջին սեռական կրթության դասընթացը», քանի որ նա միացել է շոուին ընդամենը 14 տարեկանում։
