Արքայադուստր Դիանան, հնարավոր է, «կազմակերպված հանդիպում է ունեցել» մանկապղծության մեջ մեղադրված Ջեֆրի Էպշտեյնի հետ

Բրիտանացի նախկին բարձրաշխարհիկ անձնավորություն Գիսլեյն Մաքսվելը, որը Ջեֆրի Էպշտեյնի հետ 2021 թվականին մեղավոր է ճանաչվել երեխաների սեռական շահագործման և այլ հանցագործությունների մեջ, նոր ցուցմունքում պնդել է, որ արքայադուստր Դիանան, հնարավոր է, «կազմակերպված հանդիպում» ունեցած լինի Ջեֆրի Էպշտեյնի հետ, գրում է Daily Mail-ը։

63-ամյա Մաքսվելը, որը կրում է 20 տարվա ազատազրկման պատիժ՝ Էպշտեյնի համար սեռական բռնության համար երիտասարդ աղջիկների հավաքագրելու համար, պնդում է, որ հանգուցյալ մանկապիղծը հանդիպել է Ուելսի նախկին արքայադստեր հետ Դիանայի մտերիմ ընկերներից մեկի կողմից կազմակերպված բարձր մակարդակի միջոցառման ժամանակ։

Խոսելով Էպշտեյնի և հանգուցյալ արքայադստեր ենթադրյալ կապի մասին՝ Մաքսվելը պատմել է, որ նրանք հանդիպել են 90-ականներին՝ Դիանայի ամենամտերիմ ընկերուհիներից մեկի՝ բարոնուհի Ռոզա Մոնկտոնի կազմակերպած երեկույթի ժամանակ՝ հավելելով. «Ես չգիտեմ, գուցե, նրա համար ժամադրություն էին կազմակերպել»։

Ըստ The Sun-ի՝ Մաքսվելը տատանվել է «Դիանայի մասին վատ խոսելու» վերաբերյալ, նախքան հաստատելը. «Ես դա չեմ անելու»։

Նա ասել է, որ Էպշտեյնն իրեն պատմել է, որ Դիանային հանդիպել է «մեծ միջոցառման» ժամանակ․ նույնիսկ, զույգի համատեղ լուսանկարներ կային։

Մաքսվելը հավելել է, որ չնայած ինքը վստահ չէ, թե դա Էպշտեյնի և Դիանայի առաջին հանդիպումն էր, այդ միջոցառումը, ըստ նրա, կազմակերպել էր Ռոզան։

Լրահոս

Օրացույց

Օգոստոսի 2025
Ե Ե Չ Հ Ու Շ Կ
 123
45678910
11121314151617
18192021222324
25262728293031