Ալմաթիի օդանավակայանում տղամարդ է ինքնահրկիզվել

Երկուշաբթի երեկոյան Ալմաթիի օդանավակայանի T-1 տերմինալում մի տղամարդ է ինքնահրկիզվել։ Ոստիկանության աշխատակիցները օդանավակայանի անվտանգության ծառայության ներկայացուցիչների հետ համատեղ անմիջապես մարել են հրդեհը և շտապօգնություն կանչել, հաղորդում է Tengrinews.kz-ը։

Տրանսպորտային ոստիկանության վարչությունը հայտնել է, որ տղամարդու գործողությունները, ենթադրաբար, պայմանավորված են եղել իր կնոջ հետ անձնական կոնֆլիկտով։

Տղամարդու վիճակը ծայրահեղ ծանր է։