Ուկրաինայի նախագահ Վոլոդիմիր Զելենսկին լրագրողներին ասել է, որ հանդիպման համար օպտիմալ վայր է կարող է դառնալ որևէ եվրոպական երկիր։
«Մենք կարծում ենք, որ դա արդար է և այդ մասին պնդում էին նաև եվրոպացիները, որպեսզի հանդիպումը լինի չեզոք Եվրոպայում։ Քանի որ պատերազմը Ուկրաինայում և եվրոպական մայրցամաքում է։ Ես ասացի, որ համաձայն ենք։ Շվեյցարիա, Ավստրիա — «մենք համաձայն ենք», — ասել է նա լրագրողների հետ հանդիպման ժամանակ:
Նա հավելել է, որ Ուկրաինան դեմ չէ հանդիպումը Թուրքիայում անցկացնելուն։
Միևնույն ժամանակ, Ուկրաինայի նախագահը կտրականապես մերժել է Մոսկվայում գագաթնաժողով անցկացնելու հնարավորությունը: Ինչ վերաբերում է Հունգարիային, Զելենսկին նշել է, որ «այսօր դա հեշտ չէ», քանի որ այս երկիրը դեմ է Ռուսաստանի հետ պատերազմում Ուկրաինային աջակցելուն:
Միաժամանակ, Ուկրաինայի նախագահի գրասենյակի ղեկավար Անդրեյ Երմակը իտալական Corriere della Sera թերթին տված հարցազրույցում այլ պոտենցիալ վայրեր է նշել՝ Վատիկանը և Սաուդյան Արաբիան։
