Բրիտանական կառավարությունը երեքշաբթի հայտարարել է, որ եվրոպական երկրների առաջնորդները քննարկում են լրացուցիչ պատժամիջոցներ՝ Ռուսաստանի նախագահ Վլադիմիր Պուտինի վրա ճնշումը մեծացնելու համար՝ Ուկրաինայում պատերազմը դադարեցնելու ավելի լայն ջանքերի շրջանակում, հաղորդում է Reuters-ը։
Լոնդոնը նշել է, որ այսպես կոչված «Կամքի կոալիցիան» երեքշաբթի համաձայնել է՝ պլանավորման թիմերն առաջիկա օրերին կհանդիպեն իրենց ամերիկացի գործընկերների հետ՝ Ուկրաինայի անվտանգության երաշխիքների ծրագրեր մշակելու համար։
Ավելի վաղ՝ օգոստոսի 18-ին, ԱՄՆ-ի և Ուկրաինայի նախագահները բանակցություններ են վարել Սպիտակ տանը։ Իսկ մինչ այդ՝ օգոստոսի 15-ին, Դոնալդ Թրամփը և Ռուսաստանի նախագահ Վլադիմիր Պուտինը հանդիպել են Ալյասկայում։
