Ռուսական զորքերը անօդաչու թռչող սարքերով և հրթիռներով հարձակվել են Կրեմենչուկի վրա. քաղաքը ծածկված է սև ծխով

Օգոստոսի 19-ի գիշերը Ռուսաստանի զինված ուժերը հարձակում են սկսել Պոլտավայի մարզի Կրեմենչուկ քաղաքի վրա, հայտնել է շրջանի ռազմական վարչակազմի ղեկավար Վլադիմիր Կոգուտը։

Ըստ նրա՝ հարվածներ և բեկորների անկումներ են արձանագրվել մարզի Կրեմենչուգի և Լուբնիի շրջաններում։ Նախնական տվյալներով՝ տուժածներ չկան, սակայն վնասվել են էներգետիկ ձեռնարկությունների վարչական շենքեր։ Լուբնիի շրջանում մոտ մեկուկես հազար բաժանորդ մնացել է առանց լույսի։

Կրեմենչուկի քաղաքապետ Վիտալի Մալեցկիի խոսքով՝ քաղաքում լսվել են «տասնյակ պայթյուններ» և հարձակումների թիրախում եղել են էներգետիկ և տրանսպորտային ենթակառուցվածքները: Հարձակման ժամանակ օգտագործված զենքի տեսակը չի նշվում, սակայն Կոգուտը նախկինում զգուշացրել է օդային հարձակման տագնապի մասին: