Սարատովում գիտնականները ստեղծել են հատուկ ծրագրային մոդուլ, որը հնարավորություն է տալիս բարձր ճշգրտությամբ նույնականացնել անօդաչու թռչող սարքերը իրենց ակուստիկ սիգնատուրներով (բնորոշ հատկանիշներ), նույնիսկ եթե կա ֆոնային աղմուկ և իրական ձայնային պատկերի ճանաչմանը խանգարող այլ գործոններ։
Անօդաչու թռչող սարքերի նույնականացման ավանդական՝ թե՛ տեսողական, թե՛ ռադարային մեթոդները, ունեն իրենց սահմանափակումները. դրանց արդյունավետության վրա ազդում են տեսանելիության պայմանները, զգալի ռեսուրսներ են սպառում և միշտ չէ, որ կարող են գաղտնի գործել, հաղորդում է Техкульт-ը։ Հետևաբար, ներկայում մշակվում են այլընտրանքային մեթոդներ, ներառյալ՝ անօդաչու թռչող սարքերի առաջացած ակուստիկ ազդանշանների վերլուծության վրա հիմնված տարբերակներ։
Ծրագրային ապահովման վրա աշխատանքի ընթացքում համապարփակ հետազոտություններ են անցկացվել, որոնք հնարավորություն են տվել որոշել անօդաչու թռչող սարքերի հայտնաբերման ներկայիս համակարգերի հիմնական սահմանափակումները, որի արդյունքում ընտրվել է ձայնի հաճախական-ժամանակային հիբրիդային մեթոդ ներառող վերլուծություն՝ օգտագործելով արհեստական բանականության ալգորիթմներ։
Մշակված համակարգը բաղկացած է աուդիո ալիքի նախնական մշակման մոդուլից, կրկնվող և ոլորուն շերտերի վրա հիմնված և անօդաչու թռչող սարքերի աղմուկի հատուկ տվյալների բազայի վրա մարզված նեյրոնային ցանցի դասակարգիչից, ինչպես նաև ձայնը ձայնագրել թույլ տվող վեբ ինտերֆեյսից, և արդյունքները վիզուալացնել առցանց՝ անօդաչու թռչող սարքերի տեսակների կամ մոդելների դասակարգմամբ։
